中年好聲音2丨肥媽回應與古淖文「母子」之說　稱比賽期間刻意斷纜保持距離

屬「中葡巴混血」的《中年好聲音2》冠軍古淖文（German），因樣貌與肥媽相似，肥媽過往又帶著他出外登台，故有指古淖文是肥媽的私生子！

肥媽早前就在其YouTube頻道上傳新片，回應二人「母子」之說！

中年好聲音2丨甄妮大讚譚輝智可造之材　「樂壇風紀」指古淖文：油膩誇張精

肥媽：母咩子啊？

有網民問到指古淖文是肥媽的私生子，肥媽回應道：「母咩子啊？我同佢老豆冇關係㗎！你搵我笨咩？大家都中葡混血兒，咪似囉。你睇吓甄妮、Isabella、李嘉欣啦，我唔係搵啲大美女同我比啊，但我哋大家都係中葡啊大佬。你係溝出嚟，咪大家差唔多樣。」

▲ 肥媽（影片截圖）

肥媽刻意與古淖文「斷纜」

肥媽曾任《亞洲星光大道》評判，與當時參賽的古淖文結緣，古淖文有向知已報名參加《中年好聲音2》。

肥媽指：「你想去做乜嘢你咪去做囉，你要自己對自己負責任，我話得啦，你報咗名我就唔會睬你。一路呢8個月，我連佢Facebook嘅Like啊、電話啊，一路冇同佢講嘅，因為我要保持公平。」

肥媽指之前在多次的《中2》聚會中也沒有出現，皆因要避嫌、保持中立。

▲ 古淖文、肥媽（Facebook圖片）

肥媽：佢見嘅國際表演見得多

肥媽指古淖文在比賽中是靠自己，「人哋夠話伍仲衡同劉威煌係兄弟，咁劉威煌去唔去到最尾？係靠你嘅實力。」她強調走到三甲是很依靠最後一首歌。

她承認：「古淖文係跟我全世界走過幾個Round，佢見嘅國際表演見得多，所以舞台環境、Band......佢係有咁多年嘅經驗。」

▲ 肥媽帶著古淖文到不同地方登台。

「唱完第一首，冇諗過佢係冠軍」

肥媽直言：「唱完第一首，冇諗過佢係冠軍，入到4甲都好啦。唱埋第2隻，我嗰陣時都有4個（心水），輝智（譚輝智）、黃劍文、古淖文、米羔（顏米羔）。因為安雅希真係由減肥跌咗落嚟、去唔返。」

最新影片推介：炎明熹專訪

HKET App已全面升級，TOPick為大家推出一系列親子、健康、娛樂、港聞及休閒生活資訊及影片。立即下載︰https://onelink.to/f92q4m

追蹤TOPick WhatsApp頻道睇最新資訊︰http://tinyurl.com/3dtnw8f5